Урьхан хаврын намуун шөнөөр
Уулын цаанаас шувууд ирлээ
Онгон талын цагаан нууранд
Одтой наадан дуулж хонолоо

Хаврын шувууны дуунд уяран
Хайртаа санан гармаар байлаа
Хатан дөрөөний чимээг чагнаж
Харгуйн барааг хармаар байлаа

Дархан хилээ манаж яваа
Дайчин чамдаа очмоор байлаа
Давхар давхар мянган уулын
Давааг даван нисмээр байлаа

Удаан хүлээсэн нуураа амрааж
Усны чандаас шувууд ирлээ
Учрал хүссэн намайгаа жаргааж
Удахгүй бас чи минь ирнэ