Чамдаа би хайртай гэж хэллүү

Чамаасаа өөр хэнд ч ингэж хэлээгүй

Чамайг байхад зүрх баяраар дүүрч

Чиний эзгүйд сэтгэл гунигладаг

Чамайгаа би хайраа гэж дуудлуу

Чамаасаа өөр хэнийг ч ингэж дуудаагүй

Чамайг уйлахад зүрхэнд бороо ордог юм

Чиний инээдэнд сэтгэлд нар гийдэг юм

Чи хайрын минь тэнгэр

Чамтай л би дүүлэн нисдэг юм

Чи хайрын минь тэнгис

Чамтай л би цэнгэн жаргадаг юм

Чамайгаа би жаргааж чадсан болов уу

Чамайг эсвэл зовоосон нь их юм уу

Чамдаа би бүхнээ зориулсан ч

Чиний хайранд амьдарч чадаагүй

Чи хайрын минь тэнгэр

Чамтай л би дүүлэн нисдэг юм

Чи хайрын минь тэнгис

Чамтай л би цэнгэн жаргадаг юм

Чамдаа би баяртай гэж хэллүү

Чамаас эсвэл чимээгүйхэн явсан уу

Чамгүй өдрүүд цаашаа хөвөрлөө ч

Чиний зүрхэнд хайраа үлдээе дээ

Чи хайрын минь тэнгэр

Чамтай л би дүүлэн нисдэг юм

Чи хайрын минь тэнгис

Чамтай л би цэнгэн жаргадаг юм