Туулж амьдарахад минь цээжинд гэрэл цацраасан
Дуулж алдарахад минь сэтгэлд уул нөмөрлөсөн
Зүүдэлж сэрэхэд наран эрхлүүлж жаргаасан
Зүрхэнд хайр ургуулж бадраасан

Дх: Минийхээ төлөө зүтгэсэн
Чинийхээ ухааныг дуулья
Үрийн заяаг түшилцсэн
Халуун хайраа зориулъя

Инээж хөөрхөд минь баярын магнай тэнийсэн
Итгэж хайрлахад минь инж цэцэг дэлгэрсэн
Ханьсаж жаргахад аашны сайхнаа бишрүүлсэн
Хайрлаж дуулахад гэгээ татуулсан

Дх:

Дуудаж мишээхэд минь сэтгэлд үүр цайлгаж
Дуулим орчлонд хайраа хандалж гийгүүлсэн
Хайлж уярахад сарнай цэцэг дэлгэрсэн
Хамаг бүхнээ нартад гайхуулсан

Дх: